- ANO: 2001
- PRODUCTORA:
Televisión de Galicia (RTVG)
-
DIRECCIÓN:
Enrique Uviedo
- TEMÁTICA: Os
elementos (lume, auga, vento e terra), centrándose sobre todo na
auga.
- PERSONAXES:
Narigota,
Frigote, Vaporón, Boliga, Xermón.
-
SIPNOSE: Narigota
é unha gota de auga que coa axuda dos seus amigos, Vaporón e
Frigote, intentarán evitar que Xermón e os seus compañeiros
arrasen o planeta axudando a que a auga complete o seu ciclo natural.
ANÁLISE TÉCNICO DE CORES, PLANOS, ÁNGULOS, ENCADRE,…
Nesta serie empréganse unha ampla gama de cores, bastantes vistosas,
conseguindo así a atención dos espectadores e espectadoras. Ademais
as cores son bastante vivas, polo que resulta máis atractivo ver a
serie. Sen embargo, nos momentos no que aparece o deserto, as cores
son máis cálidas e menos alegres, querendo resaltar así a pobreza
do lugar.
Por outro lado, en canto aos planos, podemos
distinguir varios tipos. Sen
dúbida, o plano xeral é o dominante, pois normalmente visualízanse
completamente todos os elementos da escena, é dicir, aparecen todos
os elementos enteiros. Sen embargo, tamén existen momentos nos que
podemos falar dun primeiro plano ou plano detalle, cando se queren
enfocar os elementos para darlle maior importancia. Isto ocorre, por
exemplo, cando fala algunha personaxe (Narigolas, Musgoso, Junior..)
ou cando aparece o fume para arrasar con todo o bosque. En canto aos
ángulos, normalmente emprégase un ángulo normal, é dicir, na liña
da mirada da personaxe. Sen embargo, ao comezo do episodio podemos
falar dun ángulo contrapicado, pois aparece por debaixo da liña da
mirada. E, por último, se falamos do remato do episodio, no momento
dende o que aparece o fume e o bosque comeza a arder, podemos facer
referencia a un ángulo de vista de paxaro, pois a cámara sitúase
por riba das personaxes, nun ángulo tamén perpendicular.
UTILIDADE EDUCATIVA
Creemos que esta serie é moi importante para a
educación dos nenos e nenas, xa que nos amosa a importancia que ten
o medio no que vivimos. Ademais, promove e conciencia aos rapaces e
rapazas a preocupación polo medio ambiente. De esta forma, con esta
serie pódese traballar todas as unidades didácticas relacionadas
coa natureza, coa non-contaminación, así como un consumo
responsable da auga.
VALORACIÓN CRÍTICA
O noso grupo está de acordo en que, a pesar de
ser unha serie de fai moito tempo, é moi interesante que os nenos e
nenas a coñezan. Isto é porque ensínaselles, aos rapaces e
rapazas, a respectar o mundo no que vivimos, así como medidas para
vivir mellor. Ademais, a serie trata a área de ciencias da natureza,
polo que se poden sacar contidos interesantes para que os nenos e
nenas aprendan.
PROPOSTAS DE MELLORA
Unha das nosas propostas de mellora, sería que a
serie abarcara máis contidos, pois ás veces quédanse un pouco
escasos. Outra das propostas sería que a serie fora máis longa, xa
que está composta só por unha tempada de 26 episodios. Por último,
gustaríanos que esta serie volvera á televisión e se actualizara,
posto que o formato xa se queda un pouco obsoleto no mundo
tecnolóxico no que vivimos agora.
GUÍA DE VISIONADO
Dende o noso punto de vista, cremos que existen escenas
verdadeiramente importantes e, sobre todo, atractivas, de tal xeito
que capta a atención dos espectadores e espectadoras. Podíamos
falar así de escenas como o momento no que Narigolas se filtra na
terra para coñecer o proceso de produción de osíxeno, realizado
polas árbores ( mins 7-14). Así pois, vai coñecendo todos os
elementos que participan neste proceso, como o zume bruto e a
clorofila, e coñece o proceso da fotosíntese, sen o que non
poderíamos vivir, pois faltaríanos o aire limpo.
Outro dos momentos importantes que debemos destacar atopámolo entre
os minutos 17 e 21. Trátase do momento no que a gota de alcohol toca
o lume e se produce o gran incendio. A partires de aquí, todo o
bosque vaise queimando, polo que serve de concienciación para os
rapaces e rapazas, para que se decaten do perigo que supón dito
elemento.
Por último, ao final do episodio faise un resumo da importancia que
teñen os bosques nas nosas vidas e do cómo debemos respetalo e
coidalo, polo que tamén resulta moi útil. Así pois, podíamos
dicir que todas estas escenas son aptas para a nosa explicación dos
contidos, polo que serían unha boa ferramenta de apoio á
aprendizaxe.
Para ver o capítulo, premede neste enlace: Emerxencia no bosque
Esperamos que vos guste!
No hay comentarios:
Publicar un comentario